Gisipa karon sa palasyo sa Malacañang si Overall Deputy Ombudsman Arthur Carandang gumikan sa pagpagula ug pamahayag kalabutan sa complaint nga gi-file ni opposition Senator Antonio Trillanes IV sa alleged multi-billion peso ‘hidden wealth’ ni Pres. Rodrigo Duterte.
Sa regular news presser sa palasyo, giklaro ni Presidential Spokesperson Harry Roque nga ang desisyon sa palasyo pagtaktak karong adlawa kang Carandang adunay pupaigong basihan sa balaud sanglit ang Deputy Ombudsman lamang maoy makonsidera sa balaud nga unimpeachable.
Hugot usab nga gibarugan karon sa palasyo nga walay igong basihan kun ‘misleading’ ang gi-alegar nga mga dokumentos ni Sen. Antonio Trillanes IV kontra kang Pres. Rodrigo Duterte.
Matud ni Roque, mismong ang Anti-Money Laundering Council (AMLAC) nanghimakak nga ang mga attachments sa alegasyon sa maong senador wala maggikan kanila, dili authenticated, ang kantidad nga gi-alegar dili husto ug nga makonsidera lamang nga ‘misleading’ ug pulos ‘kwentong kutsero’ lamang.
RadyoMaN June Duterte
