Deputy sec sa NPA patay sa engkwentro

Davao City – Patay sa engkwentro tali armadong kusog ang high ranking member sa New People’s Army sa may Damulog Bukidnon.

Giila ni 3rd Infantry Battalion Commanding Officer Lieutenant Colonel Oscar Partuza ang napatay nga NPA member nga si Eduardo Arnado alias Choi, Deputy Secretary sa Guerilla Front 53 (GF 53) ug kini matud pa ang nangulo sa mga pagpangilkil sa North Cotabato, Northern part sa Davao Del Sur ug Southern Bukidnon.

Matud ni Partuza nga ang nagpahigayon og security operation ang miltar sa lugar subay sa report sa mga sibilyan nga adunay presensya sa NPA apan didto na nagkabinayluay og bala ang tropa sa gobyerno ug mga NPA.


Narekober sa encounter site ang kalibre .45 nga baril nga adunay mga bala ug magazines, mga basyo sa high powered firearms, subersibong mga dokumentos ug mga kagamitan.

Matud ni Partuza i-turn over nila ang patay’ng lawas nga anaa karon sa Rebamonte Funeral Homes, Brgy. Sampagar, Damulog, Bukidnon ug sa pamilyang buot i-claim ang namatay mamahimong magdala lang og legal documents nga nagpamatuod nga direct family kini.

RadyoMaN Aimee Guinita

Facebook Comments