Roxas City, Capiz- Nagdeklarar na si Mr. Joel P. Longares nga magapadalagan ini sa pagka-gobernador sang probinsya sa maabot nga 2019 midterm election.
Suno sa negosyante nga halin sa banwa sang Mambusao, 90-porsyento na nga kumpleto ang ila slate halin sa pagka-congressman, bise-gobernador, board member, alkalde tubtob sa pagka-SB members sa mga kabanwahanan.
Samtang nagaguha naman ang mga pangalan nanday Dr. Wilson Albaña sa pagka-vice governor kag former board members nga sanday Maria Emelie “Mimi” Ardivilla kag Aldwin Cruz-am para naman sa pagka-Board Member.
Ang mga ini ang sa idalom sang regional political party nga Hugpong Ilonggo sa Pagbabago ukon HIP Party nga ginapahayag konektado sa partido ni presidential daugther kag Davao City Mayor Sara Duterte.
Gindugang man ni Longares nga may yara na ini sang support group sa tagsa ka mga banwa sa Capiz.
Samtang kalakip naman sa mga igaduso sini amo ang mga new ideas kag bag-o nga pamaagi sang leadership ukon pagpamuno.
Pagatutokan man sini ang pagpaayo sang ekonomiya sang probinsya.
Indi man ini pabor sa nagaluntad nga baklanay sang boto kag luyag sini nga ligwaton ang nakaandan nga “vote buying”.
