Davao City – Gimanduan ni Police Regional Office XI Regional Director PBGEN Benjamin Silo Jr., ang tanang station commanders nga makigalayon sa mga Local Government Units sa pag-imposar sa Designated Firecracker Zone sa mga lugar sa Davao Region diin gitugot ang pabuto.
Matud ni Police Major Eudisan Gultiano, PRO XI spokesperson, ang mga LGUs ang mag-identipika og mga lugar nga luwas ug didto magpabuto, aron malikayan ang mga disgrasya ug masaulog sa publiko nga luwas ug hapsay ang pasko ug bag-ong tuig.
Dinhi sa syudad sa Davao, total ban ang pabuto ug gidili gayod ang pagbaligya ug pagpabuto og bisan unsang matang sa firecrakers.
Nanawagan ang mga awtoridad sa kooperasyon ug pagtuman sa katawhan samtang naglingaw-lingaw ug mukooperar sa mga balaod alang sa kaayuhan sa publiko
RadyoMaN Aimee Guinita
Facebook Comments
