Pagadian City – Pagatukuron na karong tuiga ang ika-26 nga rehonal nga opisina didto partikyular sa Regional Government Center sa Brgy. Balintawak ning syudad sa pagadian. Kagahapon gipalili na ang desinyo sa pagatukuron nga buhatan sa PIA Region 9 kun asa mitambong mismo si Presidential Communications Operations Office Sec. Martin Andanar, PIA Director General USec. Ramon Cualoping III, PIA R9 Dir. Noemi Edaga, Mayor Sammy Co, Vice Mayor Mapi Obaob, ug mga myembro sa 13th City Council.
Ang maong regional building adunay tulo ka andana nga gigahinan og pundo nga mokabat sa P26.8 Million alang sa konstruksyon niini. Matud pa ni PIA Director General USec. Ramon Cualoping nga ang PIA Region 9 building mao ang pinaka-unang government-owned building sa ahensya gawas sa Metro Manila. Mapasalamaton si Mayor Co kanunay sa administrasyon ni President Duterte sa suporta og mga proyekto nga gihatag dinhi sa syudad.
