DESISYON NI KOSEHAL AL-AG NGA PAGRESIGN SA DUHA KA KOMITIBA ANGAY I-RESPITO

Angay nga respituhon ang hukom ni Councilor Bernie Al-Ag sa desisyon niini nga mu-resign sa komitiba sa Council Committe on Trade and Industry ingun man sa Labor atol sa regular nga session sa konseho kagahapong adlawa.

Sumala ni Councilor Conde Baluran nga wala musulti ang magbabalaod kun nganong gibuhian na niini ang mga committe apan angay nga tahuron tungod kay iya kining katungod ang pagluwat sa duha ka komitiba sa konseho.

Matud usab ni Konsehal Edgar Ramos Ibuyan Sr. nga bisan paman ug miluwat si konsehal Al-Ag dili masakripisyo ang mga ginatuki sa duha ka mga komitiba gumikan kay adunay mga membro sa konseho nga andam muhulip sa nabakanteng posisyon.

Nagkanayon si Ibuyan nga nakurat ang kinatibuk-ang membro sa sangguniang panglungsod human mi-privilege speech si Al-ag ug mipadayag sa iyang hukom nga dili na panguluhan ang duha ka komitiba.

Gidugang usab ni Baluran nga miluwat man sa mga komitiba si Al-ag makahimo gihapon kini nga makapartisipar sa mga deliberasyon sa konseho bisan paman kini ug wala nay komitiba nga giatiman.

RadyoMaN Erin Lumosbog