Despues el confiscacion del shabu balor de P800,000 del otro dia na Caburihan, Canelar donde el operacion ya conduci el maga pulis del Central Police Station, balor ya tambien P700,000 de shabu ya puede confisca el maga pulis del Curuan Police Station na Mampang del Miercoles denoche.
El pulis ya nombra con el arestao como si Majir Ismail y Nadza, 45, casao del mencionao lugar.
Maga pulis ya recobri desde na su possecion el total de tres paquete de shabu, (dos grande y unu diutay) y el P500 marked money.
Con el suspechao ya lleva na estacion del Curuan mientras el maga shabu ya entrega na Crime Laboratory.
Maga pulis ta prepara ya el propio caso que ay planta na corte contra con Ismail.
Facebook Comments
