Tiene ya tamen omento projibido lleva na maga cementario durante el “todo los santos” y “todo los almas”.
Base na orden ejecotivo numero 422, gende mas permiti el maga otoridad el llevada del lighter adentro del cementerio.
Ya incluji este na orden ejecotibo seguiendo con el recomendacion del Explosive and Ordnance Division del pulis porcausa asegun el lighter ta rebenta tambien.
Fuera con el lighter, puede lleva posporo pero limitao lang si cuanto palito el puede carga porcausa asegun si ahunta con el maga asugi ay puede tambien con este hace explosive.
Porcausa con este disgustao el maga gente hablando cuantos siglo ya este tradicion de andar na maga cementerio todol Noviembre uno y dos pero nohay ni un soseso de rebentada el ya sosede porcausa na lighter y porsporo.
