Despues man shabu, ya pisa cielo, muerte ultimo

Con un 18-año de edad mujer ya encuntra muerto entre sacate na un privado lote na Veterans Avenue enantes aga.
Con el victima ya conose como si Nursia Taala, casao de Sta. Catalina.
Con Taala ya descobri muerto ya alas 6 del aga el su mismo maga conosido canda Mary Ann Amdani junto con el otro maga compañera.
Nohay mas ropa de abajo solamente T-shirt color negro ya lang ta usa el victima cuando ya encontra coneste.
Mientras visible tambien el sangre ta sale na su naris que ta indica ya sostene golpe el su cabesa.
Asegun con Amdani, alas 6 del noche dia de Huwebes, si Taala junto con untal Mer-Mer ya entra na medio del buug na vacante lote y ya gila estos shabu.
Despues ya man “milagro” estos dos y asegun ya manda pa sale con Amdani si Taala cuando ta man “ampachina” ya sila.
Hasta por ultimo enantes aga ya descobri ya lang muerto si Taala mientras perdido ya si Mer-Mer.

Facebook Comments