Ya conduci insiguidas rehabilitaccion el Department of Public Works and Highways (DPWH) con el portion del fuente na Barangay Patalon que ya sale destrosao del pasao mal tiempo aqui na ciudad de Zamboanga.
Mismo el Committee Chairman del Public Works and Highways na kamara Congressman Celso Lobregat ya ordena con el DPWH para hace el insiguidas emergency repair con el portion del fuente que ya man timpag porcausa del avenida na mensyonao rio.
Presentamente, ta pone ya suporta de mga boulders, riprap support y re-blocking con el mensyonoa fuente para hinde este lleva accidente con el mga motorista que ta pasa na lugar.
Aura un lane lang anay del camino el ta usa el mga motorista si ta pasa sila na Patalon bridge que bajo na rehabilitaccion. *- Bhong Simbajon/RMN News*
