Detachment sa CAFGU sa Sarangani giharass sa NPA

162

General Santos City— giharass sa grupo sa New People’s Army NPA ang detachment sa CAFGU nga nakabasi sa Upper Suyan Malapatan, Sarangani Province alas 10:00 ang takna kagabie.

Sumala ni 1st lt. Daryl Cansancio, Spokes person sa 73rd Infantry Battalion nga gibana-banaang 20 ka mga miyembro sa NPA ilawom sa Guerilla Front 71 nga gipangunahan ni alias Dong ang mipabuto sa ilang mga armas 250 ngadto na sa 300 metros ang gilayuon gikan sa detachment sa CAFGU.

Gilayon usab nga nibalos sa pagpabuto sa ilang mga armas ang tropa sa gobyerno batok ngadto sa mga nahisgutan apan gipaklaro ni Cansancio nga usa lang ka defensive scheme ang ilang gihimo aron nga maabog ang grupo sa NPA.


Misibat usab palayo sa lugar mga armado human nga padayon sa pagpabuto ug armas ang mga CAFGU.

Walay angol sa tropa sa gobyerno samtang wala masuta kung dunay samdan sa grupo sa NPA.

Nag tuo si Cansancio nga posibling ang sunod sunod nga pag-ataki sa NPA sa pipila ka lugar parti sa pagtuman sa NPA sa mando sa Communist Party Of The Philippines (CPP) nga maghimo ug opensiba aron ipadayag ang ilang pagsupak sa deklarasyon sa Martial Law ni Pangulong Rodrigo Duterte.



Facebook Comments