Deve manda sabe con el paciente

El Congresista del Distrito Dos si Mannix Dalipe ya expresa su opinion que deve manda sabe o dale el propio copia del resulta del covid test contodo quien ta man swab que positibo o negatibo.
Este el reaccion del Congresista despues sabe tiene camali el Task Force Covid 19 na halada del maga paciente del covid na Zone 2.
Ta aparese si nohay pa el capitan del Zone 2 pidi copia del maga covid test result nohay pa sabe que tiene camali donde con el un tata que negatibo na test ya lleva na isolation facility mientras consu anac quien positibo ya deha na casa humto com el familia y otto maga besinos.
Asegun con Dalipe no deve este cosa sosede porcausa salud del maga hemte el envuelto.
Si Dalipe ya habla deve ta dalr na mano del paciente el copia del covid test result que positibo man o negatibo.