DFA Consular Office sa Gensan, mananatiling bukas sa kabila ng pinaiiral na intensified border lockdown

Tiniyak ng Department of Foreign Affairs (DFA) na mananatiling bukas sng kanilang Consular Office sa General Santos City.

Sa kabila ito ng pinaiiral na intensified border lockdown sa General Santos City na tatagal hanggang sa May 20, 2021.

Ang mga apektadong aplikante ay pinapayuhan na kumuha na lamang ng panibagong appointment sa pamamagitan ng pag-email sa Consular Office ng GenSan.

Ang mga aplikante na may emergency o urgent na pangangailangan ng consular services ay pinapayuhan na makipag-ugnayan din sa nasabing tanggapan.