Nagbabala ang Department of Foreign Affairs (DFA) sa publiko laban sa mga huwad na website na nagsasabing pinapadali ang Philippine e-visas.
Ayon sa ahensya, mayroong website na naglalaman ng mga pekeng data sa e-visa at iba pang mga regulasyon na ipinakalat.
Nilinaw ng departamento na ang impormasyon sa e-visa ay ilalathala lamang sa pamamagitan ng mga opisyal na channel nito, kung saan ang sistema ng e-visa ng Pilipinas ay ilulunsad sa Philippine Foreign Service Posts sa China sa Agosto 24, 2023.
Samantala, nilinaw naman ng DFA ang sistema ng e-visa ng Pilipinas ay kasalukuyang binuo sa pakikipagtulungan sa Department of Information and Communications Technology (DICT).
Facebook Comments
