Roxas City, Capiz – Ginaekspektar nga mangin operational na ang mga units sa dialysis center sa Roxas Memorial Provincial Hospital sa maabot nga Setyembre 9, 2019.
Ini ang ginpahayag sang chief of hospital sang RMPH kag ni Provincial Administrator Edwin Chinel Monares matapos ang ginpatigayon nga orientation sa mga pasyente nga tratoron sa amo nga dialysis center.
Samtang gintalakay man ang mga pagsulondan kadungan sang pag-operate.
Ginpunto ni Provincial Administrator Edwin Chinel Monares nga aminado man ini nga na- delay ang pagbukas sang nasambitan nga mga pasilidad bangud nga luyag sang gobernador nga kaayuhon ang pila ka mga nakit-an nga kakulangan. Partikular sini nga gintumod amu ang pagkaayo sang drainage system, pag-repair sang nagatulo nga kisame kag iban pa.
Sa madumdoman, una nga ginpatigayon ang ribbon-cutting and blessing sang amo nga Dialysis Center sang nakaligad nga Hunyo 21, 2019. Yara nagtambong si former Gov Tony del Rosario, DOH 6 Reg. Dir Marlyn Convocar, RMPH retired-Chief of Hospital Dr. Jose Acepcion Arancillo kag former OIC-Chief of Hospital Dr. Ian Arcega.
