LA CARLOTA CITY – Dialysis center sa syudad sang La Carlota mahimo nga magabukas na sa sini nga tuig.
Ginpahayag ni Mayor Luis Jalandoni III nga madali nalang mahuman ang building nga amo ang mangin dialysis center sang syudad sang La Carlota kag ini nahamtang sa tupad mismo sang La Carlota City Hospital.
Suno sa alkalde nga may pila pa ka mga papeles nga ginahikutar sa karun kag ini iya gintugyan kay Vice Mayor Rex Jalandoon bangud ini ang mas nakahibalo sang mga rekisitos bangud isa ini ka doktor.
Pananglitan nga makompleto na ang tanan nga mga papeles gilayon ini sila nga magabakal sang dialysis machine samtang may pila naman ka mga nurses ang nagpaidalum na sa training para diri.
Facebook Comments
