Base sa Division Memorandum number 344 nga pinirmahan ni Schools Division Superintendent Dr. Maria Liza R. Tabilon, Pormal nang pagabuksan ang DIPOLOG.
CITY ATHLETIC ASSOCIATION MEET kun DICAA ugmang adlawa, Dominggo petsa baynte dos ning tuiga. Ang nasangpit nga kalihukan pagsalmutan kini sa tanang magtutunghang atleta, coaches trainors gikan sa naglain-laing tulunghaan dinhi sa dakbayan sa Dipolog.
Pagasugdan ang maong kalihukan pinaagi sa usa ka parada sa may alas nueve y media ang takna ugmang adlawa nga pagasugdan sa Zamboanga del Norte Sports Ground palibot sa tibuok dakbayan sa Dipolog ug mutakdu kini sa Dipolog Pilot Demonstration School, diin pormal nga pagahimuon ang maong pag-abli.
Usa ka welcome address ang ihatag sa assistant schools Division Superintendent sa Dipolog nga si Dr. Jay S. Montealto, pagasundan kini sa usa ka hoisting of the Dipolog City Athletic Association Banner ni Mayor Darel Deter T. Uy nga paluyuhan kini ni SDS Dr. Maria Liza R. Tabilon,Atty Chandler O. Ruiz, chairman sa YSDC, ASDS Dr. Jay S. Montealto, ug ang Division Sports Coordinator nga si Mr. Crispo V. Gahisan.
Pagatapusun ang hamubong programa pinaagi sa opisyal nga pagdeklara sa pagbukas sa tinuig nga Dipolog City Association Meet nga ideklarar sa maabtik ug buutang Schools Division Superintendent Dr. Maria Liza R. Tabilon.
Ania ang pitik nga pamahayag sa gihimung interview kang Mr. Crispo Gahisan, ang Division Sports Coordinator sa Dipolog.
