Padayon ang inisyatibo sang Department of Information and Communications Technology ukon DICT sa pagpangita sang third telecommunications player sa pungsod.
Suno kay DICT Acting Secretary Eliseo Rio Jr., indi matuod ang nangin pahayag sa Facebook post ni Pierre Tito Galla, co-founder sang Civil Society Group nga Democracy.Net.PH nga patay na ang third telco initiative sang gobyerno.
Subong man gin-ako sang DICT chief nga makaangkon sang delay sa pagdihon sang guidelines ukon terms of reference para sa pagpili sang mangin third telco player.
Una na nga ginpahayag sang ahensya nga sa Setyembre ukon antis matapos ang tuig, pangalanan na nila ang winning bidder para sa third telco slot.
(photo from web)
Facebook Comments
