Kini human nga giklaro sa Department of Information and Communications Technology (DICT) nga wala nay mahitabong lugway human sa deadline sa SIM card registration period nga mahuman sa Abril 26, 2023.
Sa interbyu sa DXDC RMN Davao kang Nelson Canete, NTC-XI regional director, gibutyag niini nga kung ma-deactivate na ang SIM, apektado dili lang ang pag-text o pagtawag kundili lakip na ang mga application o digital wallets nga gigamitan sa numero.
“Kana imuhang registration sa social media, base man pud na sa imuhang SIM card number. So, maputol na’ng imuhang mga connection diha nga gigamit sa mga number. How about sa imuhang GCash? App. nimo na nga nagamit sa number nimo,” tataw ni Cañete.
Karong adlawa, Abril 20, 2023 naka-schedule ang remote registration sa NTC-XI sa Baganga ug Caraga sa Davao Oriental ug sa Abril 21 sa Manay ug Tarragona, sa maong probinsya.
Samtang sa Abril 24, naka-schedule ang remote registration sa Pantukan, Davao de Oro, ug sa Abril 25, sa Carmen, Davao del Norte.
RadyoMaN Kirby Manzon
