Davao City – Laumang digital na ang payout sa 2nd tranche sa Social Amelioration Program kun SAP ubos sa Department of Social Welfare and Development kun DSWD.
Matud ni DSWD XI Assistant Regional Director Merlinda Paragamac atol sa interview sa DXDC RMN Davao, nagpadayon pa sa pagkakaron ang proseso sa deduplication.
Gibutyag niini nga ang uban sa validated nga mga pangalan sa benepisyaryo nasumite na sa digital partners.
“Among gi reiterate lang ang pagpahibalo nga ang kabag-ohan sa atoang second tranche naa tay mahitabo nga digital payment, meaning ato ng i-maximize kining atong mga partners for example kining kuhaan bitaw nato’g kwarta nga naay magpadala, ingon ana,” segun ni Paragamac.
Matud pa nga karong semanaha lauman ang mga instruction nga ipaabot pinaagi sa text sama sa kung aha kini muadto, requirements nga SAP form, ID ug uban pang identification nga kinahanglan sa beripikasyon isip usa kini ka lehitimong benepisyaryo.
RadyoMaN Aimee Guinita
