Davao City – Nanguna karon sa ranking ang syudad sa Digos sa unang adlaw sa opisyal nga pagsugod sa Davao Region Athletic Association kun DAVRAA Meet 2018 nga gipahigayon dinhi sa syudad sa Davao.
Base kini sa gipagula nga Partial and Official Medal Count tally kaganinang alas 6 sa gabii.
Samtang anaa sa ikaduha nga pwesto ang Comval ug Davao City, rank 4 ang Davao del Sur, anaa sa rank 5 ang Davao del Norte, Tagum ug Panabo City samtang anaa sa rank 8 ang IGACOS, Mati City, Davao Occidental ug Davao Oriental.
Sa pikas bahin, pipila na ka mga atleta ang nakakuha og gold medals sa nagkalain-laing event sa DAVRAA 2018.
Base sa talaan sa DAVRAA, nasakmit sa atletang si Russel Ricaforte gikan sa IGACOS ang gold medal sa Athletics Shotput Secondary Boys samtang sa Shotput boys Elementary level, nakuha ni Jerbie M. Daclan sa Davao del Norte ang gold medal.
Samtang sa Long jump event, parehong nakuha sa mga atletang gikan sa Davao City Durians ang gold medal alang sa Elementary Long jump nga mao si John Neil Taytayan samtang sa Secondary boys Long jump, nasakmit ni Mark Anthony Casenas ang gold medal.
Gani wala usab nagpaulahi ang mga babae sa Davao City Durians diin nasakmit ni Vivian Lyn Sayson ang gold medal sa Elementary girls 100m hurdles samtang si Sofia Jean Bangunan ang nakakuha sa gold alang sa Secondary girls Shot put event.
RadyoMaN Renz Barbarona
