Davao City – Arestado ang suspek sa pagpanigbas sa usa ka mag-uuma sa Digos City niadtong adlaw’ng Huwebes (July 16, 2020).
Sa report sa Digos City Police Office, human sa gihimong hot pursuit operation sa Purok 1, Brgy. Tanwalang, Sulop, Davao del Sur, dakpan ang suspek nga nailang si Arnold Sarcuaga alyas “Boboy”, minyo, mag-uuma ug residente sa Sitio Matti, Barangay Binaton, Digos City.
Una nang gibutyag sa DXDC RMN Davao ni SPO4 Jonathan Flores sa Digos PNP nga gilayong gihimo ang hot pursuit operation human sa insidenteng pagtigbas-patay sa usa ka Fernando Caminade, 41-anyos, mag-uuma ug residente sa Sitio Teril, Brgy Kapatagan, Digos City human sumala pa nagkalalis ang duha.
Balhog na sa Digos Police Station ang suspek ug gikatakdang pasakahan sa tukmang kaso.
RadyoMaN Kirby Manzon
