Davao City – Maghimo og kaugalingong imbestigasyon ang Land Transportation Office kun LTO XI og sa nahitabong aksidente sa Digos City nga gikamatay sa usa ka pamilyahan.
Sa pakighinabi sa DXDC RMN Davao kay LTO XI Regional Director Atty. Gomer Dy, matud niya nga gawas sa pag-report sa insidente, kinahanglan usab nila sutaon og mechanical o driver’s error ang aksidente.
Gibatbat sa director nga og mapamatud-ang gumikan sa reckless driving ang hinungdan, suspendihon nila ang lisensya sa driver nga nagdrive sa pampubliko o pribadong sakyanan man.
Sumala ni Dy nga aduna silay operation center diin asa ginareport ang major accidents o major violations sa balaud trapiko aron maproseso ang mando sa paglusad og imbestigasyon.
Subay niini, panawagan sa LTO XI ngadto sa tanang motorista nga sundon gayud ang mga balaud trapiko ingon man mag amping sa pag drive aron malayo sa peligro tungod og mapamatud-ang adunay sala ang usa ka driver o nakalapas sa balaod, ila gayud kining silutan pinaagi sa pagsuspinde sa lisensya.
RadyoMaN Renz Barbarona
