Roxas City, Capiz- Padayon nga nagakolekta sang mga lista kag datos ang pamunoan sang DILG sa Capiz angut sa mga benepisaryo sang Social Amelioration Program(SAP) sang DILG.
Suno kay Provincial Director Jhon Ace Azarcon, may yara naman sang naka-comply na nga mga barangay apang aminado naman ini nga bangud sang nakaligad gid lamang nga semana napaguha ang amu nga deriktiba, may yara sang mga LGUs nga amu pa lamang nagapatigayon sang assessment kag validations sang listahan.
Ginalauman nila nga subong nga semana, may yara na sang masumiter nga mga listahan ang tagsa ka mga LGUs.
Samtang ginpunto ni Azarcon nga ang pinaka- intensyon sang DILG nga pag-require sa pagpost sang listahan sang mga beneficiary amu ang ginatawag nga transparency.
Iya man nga ginsaysay nga base sa gin-aprobahan sang Kongreso nga Bayanihan to Heal As One Act, may yara sang nagakaigo nga mga penalidad ang mga opisyal ukon LGUS nga mapamatud an nga nagbayolar sa mga guidelines ukon probisyon.
photo © – PDRRMO Capiz
