Davao City – Daw nawagtang na ang matuod nga esensya sa demokrasya sa nasud karon nga lakip ang mga trabahante sa gobyerno kinsa nibatikos sa estado sa desisyong pagpasira sa Kabus Padatoon (KAPA) Community Ministry International.
Reaksyon kini ni kanhi Diwalwal Monkayo Barangay Captain Franco Tito tubag sa hagit ni Department of Interior and Local Government (DILG-XI) Regional Director Alex Roldan nga mas maayo pang mopahawa na lamang sa pangatungdanan sa gobyerno ang mga government functionaries kinsa dili kapugngan nga manaway kun mamika sa gobyerno sa isyung investment schemes closure.
Matud ni Franco, daw diktador na ang pamalaud karon sa Pilipinas kay bisan ang katungod nga gigarantiya sa balaud nga makapasibaw did-an na man dungan kini sa pagdepensa sa mga empleyado sa gobyerno kinsa igo lamang mipadayag sa ilang pagpuna pinaagi sa social media sa lakang sa nasudnong kagamhanan pananglit kontra KAPA.
Segun ni Franco, dili porke trabahante sa gobyerno wala na’y katungod makapagawas sa sentimyento uban ang pag-ingon nga dili angay basulon ang mga empleyado sa gobyerno kung nganong misulod sila sa KAPA sanglit dili maigo ang ilang suweldo aron mahatag ang haruhay nga kinabuhi sa pamilya ug labaw nang nabatasan na usab sa mga Pilipino ang pagtabang sa mga paryente kun pagbaton og extended family.
Alang sa kanhi kapitan, wala usay tulubagon sa balaud ang mga Local Government Units (LGU) excecutives nga naghatag og permit ug nagtugot sa mga investment schemes sama sa KAPA nga maka-operate sa ilang mga lugar.
Gibanatan usab ni Tito ang Securities and Exchange Commission (SEC) tungod sa pagkanselar sa Certificate of Registration ingon man pagdeklara nga iligal ug usaka scam ang KAPA.
RadyoMan Joel Viray
