Andam na ang Department of the Interior and Local Government (DILG) nga ipatuman sa tanang sanga ang deklarasyon ni Pangulong Rodrigo Duterte nga unilateral ceasefire sa New Peples Army (NPA) alang sa nagsingabot nga pasko.
Matod ni DILG Secretary Eduardo Año, nagpagawas sila ug direktiba sa tanang unit sa Philippine National Police (PNP) njga mosunod sa kamanduan sa pangulo sa nasud.
Kalabot niini magpabiling maigmaton ang mga otoridad ug pabilin nga palig-onon ang ilang depensa.
Naglaom usab si Año tungod niini nga kamanduan sa pangulo mahimong malipayon ang pagsa-ulog sa pasko sa mga pulis ug sundalo uban ang ilang mga pamilya.
Una nang giingon ni Año nga dili siya pabor nga magpatuman ug ceasefire sa mga NPA tungod kay gamiton lang kining hinungdan para magpakusog pag usab sa pwersa sa mga NPA.
Gani dinhi sa probinsya sa Zamboanga del norte kanunay nga ginamonitor sa kapulisan ug kasundaluhan ang tanang matang sa lihok sa mga rebeldeng NPA.
Tungod kay pipila usab ka mga kalungsuran dinhi sa probinsya ang namungingi sa mga walhong grupo nga anaa pa hangtod karon diha sa kabukiran.
