Davao City – Gitin-aw karon sa Department of Interior and Local Government (DILG-XI) nga wala gimando ni Sec. Eduardo Ano nga compulsory nga pasuoton og face mask ang tanang mga miyembro sa pamilya mientras anaa sulod sa ilang mga panimalay.
Matud ni DILG-XI Regional Director Alex Roldan, nasaypan kun na-misinterpret lamang og sabot ang pamahayag sa kalihim ngadto sa mga media outlets sanglit gikutlo lamang kadtong usa ka linya or portion sa komento aron mugawas nga kontrobersyal ang nasangpit nga anunsyo kun deklarasyon sa Duterte cabinet member.
Sumala ni Roldan, tataw sa pamahayag ni Ano nga iyang gihangyo lamang ang tagbalay nga kon mamahimo, magsuot gayud og face mask ilabi na kon adunay sakop sa pamilya gikan sa biyahe or na-exposed sa high-risk areas diin gikinahanglan nga i-quarantine kini aron dili makatakod ngadto sa ubang ginsakpan sa pamilya.
Ang deklarasyon ni Ano nagsumikad sa obserbasyon nga ang pinakarason sa pagsutoy sa kaso sa COVID-19 karon nagagikan sa mga panimalay nunot sa mga miyembro sa pamilya nga na-exposed sa high-risk areas ug sa mga tawong nagpositibo sa virus apan wala magsuot og face mask atol sa pagpauli sa kaso sa mga Locally-Stranded Individuals (LSIs) o bin ba kaha mga Returning Overseas Filipinos (ROFs).
Segun ni Roldan, nagpanukad ang abiso sa kalihim sa realisasyon nga epektibo diay sa pagpakunhod sa maong balatian ang pagpuyo sa balay kun ang pag-adopt sa ‘stay home’ anti-COVID protocol kun measure.
RadyoMaN Joel Viray
