Pagabuhion sang Department of Interior and Local Government ukon DILG ang mga Local Government Units Local Price Coordinating Councils sa bug-os nga pungsod agud mag-monitor sang presyo sang nagapanguna nga mga balaklon.
Ginmandu ini ni DILG Secretary Eduardo Año kasunod sang mga report sang mga regional kag field offices sini angut sa sobra nga pagsaka sa presyo sang mga balaklon sa pila ka mga probinsya.
Ginmanduan sang DILG ang Philippine National Police nga ipatuman ang nagakaigo nga kasuguan agud maproteksyunan ang interes sang mga konsumidor.
Luyag ni Año nga magpatuman sang regular nga inspection ang LPCC’s sa mga pribado kag mga pampubliko nga balaligyaan kag hibaluon ang mga local traders nga nagapamintaha sa pagtaas sang presyo.
Pagahatagan man sang poder ang mga barangay officials kag non-government organizations agud ma-monitor man nila ang abnormal nga pagtaas sang presyo sang mga balaklon.
(photo from web)
