DILG magapatigayon sang province-wide inventory sa status kag functionality sang BHERT sa South Cotabato, pagpaidalom sa orientation sang IPHO sa BHERT nagapadayon.

36

Ginpasiguro sang provincial office sang Department of Interior and Local Government (DILG) nga magabulig ini asister sa Integrated Provincial Health Office (IPHO) sa ginahimo nga preventive measures sa nagapadayon nga paandam sang Corona Virus Disease (CoViD-19) nga nag-igo sa China kag Special Autonomous Regions sini kapareho sang Hongkong, Macau kag subong man saTaiwan.

Ini ang base sa ginpatigayon nila nga pagsinapol sa pagpanguna sang Provincial Health Office sa pagpamuno ni Dr. Rogelio Aturdido Jr., upod si DILG Provincial Director Atty. Rochelle Mahinay-Sero kag 11 ka mga Local Government Operations Officers (LGOOs) sa South Cotabato.


Gintalakay naman sa nasambit nga pagsinapol ang tagsa sini ka obligasyon sa pagmonitor partikular na sa suspected patients under investigation (PUI) kag persons under monitoring (PUM) nga nagaabot dire sa probinsya nga halin sa mga pungsod nga may kumpirmado nga kaso sang COVID-19.

May-angot sini, ginpahayag ni Atty. Sero, nga magapatigayon sila sang province-wide inventory sa status kag functionality sang Barangay Health Emergency Response Team (BHERT) nga dapat sa kada 5,000 population may isa ka i-istablisar nga BHERT nga magahulag sa pagmonitor .

Sa nasambit nga pagsinapol nahisgutan man ang pag-encourage sang DILG sa mga banwa nga i- postpone ang mga aktibidad sa bulan sang Marso, apang kon indi gid mapaiway tanan nga LGUs nga mag- organize kag patigayon sang public gathering, meetings kag festivals ang kinahanglan istrikto nga ipatuman ang Department of Health (DOH) guidelines batok Coronavirus disease.

Lakip sa mga himuon sang mga ini ang pagmonitor sa tanan nga partisipante sa tanan nga public events , pagprovide sa tanan nga partisipante sang hand sanitizers or 70% isopropyl alcohol, paggamit sang surgical masks (not N95) kon kinahanglan kag pagprovide sang waste baskets para sa proper disposal sang tanan nga klase sang basura.

Samtang subong nga semana suno kay Dr. Aturdido magapadayon ang ila nga pagpaidalom sa orientation sa mga BHERT dire sa probinsya nga ang kapitan ang mamuno kag ipatuman ang close coordination sa mga MHO`s kag IPHO kon may-yara sang PUM kag PUI sa ila barangay.

Facebook Comments