May yara sang validation team ang Department of Interior Local Government-DILG Region 6 angot sa gin-submit nga accomplishment report sang mga barangay sa syudad sang Bacolod.
Suno kay DILG-Bacolod City Director – Ma. Joy Marideth Madayag nga ‘surprise inspection’ ang patigayunon sang validating team agud nga ma-check kon husto ang gin-submit sang mga LGUs.
Paathag ni Madayag nga dapat seryusuhon sang mga barangay officials/city officials ang clearing operations particular sang syudad sang Bacolod, bangud nga tutukan kag unahon sang DILG ang mga highly urbanized cities sa Western Visayas.
Gina-encourage man sang DILG-Bacolod ang publiko nga mag-submit/send sang pictures sa ila mga social media accounts angot sa obstruction kag illegal structures nga wala pa natandog agud nga ila mahatagan sang nagaka-igo nga aksyon.
