Davao City – Gipahimangnoan sa Department of the Interior and Local Government (DILG) ang mga kapitan sa barangay nga dili gamiton kun hilabtan ang pondo sa Sangguniang Kabataan (SK) alang sa umaabot nga eleksyon karong Mayo.
Kini ang panawagan ni DILG-Davao Regional Director Alex Roldan atol sa interbyu sa DXDC RMN Davao.
“Tungod kay ang SK panahon sa eleksyon dili makalingkod hangtod dili makaapil sa training. Ang pondo alang sa SK kay walay makalingkod nga SK kung dili makaagi sa orientation training sa DILG mao ng gihangyo namo ang nga kapitan nga dili hilabtan ang pondo sa kabataan,” segun ni Roldan.
Sumala ni Roldan, seryoso ang ilang buhatan nga gukdon kadtong mga opisyales sa Brgy. og kinsa man ang mugamit sa pondo sa SK karong umaabot nga eleksyon diin sumala pa madayon na ang piniliay karong umaabot nga bulan sa Mayo.
Sa pikas bahin, gipakusgan sa DILG ang 8888 complainant hotline karon diin sa sunod nga mga bulan, 3 ka pilot areas ang target sa pagimplementar niini nga mao ang Davao City, Cebu ug Nationcal Capital Region.
Kahinumdan nga sa tuig 2016 gimugna ang nasangpit nga hotiline pinaagi sa Executive Order no. 6 aron direktang masumbong sa publiko ang ilang problema sa mga opisyal ug serbisyo sa gobyerno.
RadyoMaN Renz Barbarona
