Subay na sa gipagula nga Memorandum Circular No. 2018-193 sa Department of the Interior and Local Government (DILG) pinetsahan Nobyembre 5, 2018, gidasig niini ang Local Government Units (LGUs) ug DILG officials and personnel sa pag-obserbar sa ika-155th Birth Anniversary ni Andres Bonifacio nga nakatakda karong adlawa Nobyembre 30, 2018.
Si Andres Bonifacio usa ka Filipino revolutionary leader ug usa sa pinaka influential national heroes sa atong nasud atol sa Philippine Revolution batok Spanish colonial rule.
Subay na sa maong kasaulogan, nakahan-ay na nga ang National Historical Commission of the Philippines ug ang City Government sa Caloocan, inubanan sa ubang government agencies ug ang pribadong sektor, ang nakatakda nga maoy mangulo sa flag-raising ug wreath-laying rites didtu sa Andres Bonifacio National Monument, Caloocan City karong Nobyembre 30 alas 8:00 ang takna sa buntag.
Ang tanan nga Local Chief Executives ug tanan nga DILG Regional Offices gi-dasig nga mo apil sa pagpahigayon ug simple apan bilihong kalihukan sama sa flag-raising ug wreath-laying rites, pag display sa Philippine flag sa LGU ug DILG offices, ug uban pa nga may kalabutan sa maong kalihukan sa ilang matag lokalidad.
Angay masayran nga ang pag-obserbar sa Birth Anniversary ni Andress Bonifacio o Bonifacio Day Nobyembre 30 matag tuig nakabutang na sa kalendaryo nga usa ka regular holiday.(JOYENGOC)
