Nagmando karon ang Department of the Interior and Local Government (DILG) ngadto sa mga mayor nga kinahanglan anaa sila sa ilang matag tagsa-tagsa ka local government units (LGUs) panahon nga mo wallop ang bagyong Ompong
Tungod kay ang mga mayor sila ang chairpersons sa matag Local Disaster Risk Reduction and Management Council, kini ang gibutyag ni DILG Officer in-charge Eduardo Año.
Matod niya kun ugaling wala ang mga Mayor atol sa pag kuso-kuso sa bagyo manubag gayod sila dugang pa ni Año.
Naglaum si Año nga Zero casualty gayud kun pananglit mo igo na ang bagyo sa matag lugar nga apektado.
Butyag pa sa maong opisyal dili ordinaryo si bagyong Ompong tungod kay sama kini kang bagyong Yolanda, mao nang kinahanglan nga awhagon gayod ang mga kumonidad nga mag preparar aron mahilayo sa disgrasya.
Si bagyong Ompong mo igo kini sa Northern Luzon ug nagdala sa hangin sa kusog nga 170km/h ug adunay unos nga 210kph
Gani gitawag kini sa pagasa ug supertyphoon tungod sa hangin nga 230kph
Samtang dinhi sa probinsya sa Zamboanga del norte nangandan na ang Zamboanga Del Norte PDRRMO Action Plan para Super Typhoon Ompong (Mangkhut) ug ang City Disaster Risk Reduction and management Council CDRRMC.
Gi alerto na sab ang mga barangay response team aron mao naunya ang mo tabang sa mga disaster response team kun pananglit mo kuso-kuso sab si bagyong Ompong dinhi sa probinsya.
Matag karon ug unya kanunay nga nagpahinumdum ang mga Mayor sa matag kalungsuran ngadto sa katawhan nga magbinantayon sa kanunay.
Kagahapon ang tulunghaan sa lungsod sa Labason ila na nga ge suspenso ang klase hangtod karong adlawa lakip sab nga nag suspenso ug klase ang dakbayan sa dapitan ug dinhi sa dakbayan sa dipolog sa tanang pampubliko ug pribadong tulunghaan .
Kahinumduman sa miaging tuig apektado ang Zamboanga del norte human miigo si bagyong Vinta ug nakatala ug dakong danyos didto sa 3rd district.
