TACLOBAN CITY – Mag-iimbistigar na an National Defense ngan Department Of Interior and Local Government (DILG) ha nahinabo nga misencounter ha Sta. Rita, Samar kun diin 6 nga pulis an namatay ha engkwentro ha mga kasundaluhan.
Sumala kan DILG Secretary Eduardo Ano, magmumugna hira hin Board Of Inquiry para imbistigaran an nahinabo nga insidente.
An Armed Forces Of The Philippines o Philippine Army in an napapailarom ha Department Of National Defense (DND) samtang An Philippine National Police (PNP) in napapailarom ha DILG.
An myembro han Philippine Army 87th Infantry Battallion in nagkaada misencounter han mga kapulisan han 805th Mobile Company han Regional Mobile Force Battallion dida han Lunes.
An pareho nga tropa han gobyerno in nagdudumara hin combat operations kontra ha rebelde nga grupo han New People’s Army (NPA) ha Sta. Rita, Samar. Pero ini in nagresulta hin pagkamatay han unom nga pulis ngan 9 naman an samaran.
