Davao City – Responsibilidad sumala pa sa gobyerno labi sa matag Local Government Units (LGUs) ang pagmonitor ug paggukod sa mga indibidwal nga padayon gihapong nagahimo sa ilang operasyon nga mga investment schemes sa ilang mga lugar.
Sa interbyu sa DXDC RMN Davao kang Alex Roldan, regional director sa Department of Interior and Local Government (DILG)-XI gibutyag niini nga makonsidera gihapong iligal ang operasyon sa nahisgutan kung wala kini igong dokumento o lisensya gikan sa kagamhanan.
“Ang gobyerno naa pa gihapoy siyay responsibilidad sa paggukod niadtong nagahimo og mga operation nga walay igo nga mga lisensya o mga pagtugot gikan sa gobyerno,” saysay ni Roldan.
Gibutyag ni Roldan nga adunay mga balita nga adunay sekretong nagapahigayon sa maong iligal nga aktibidad apan gipasabot niini nga desisyon na usab kini sa usa ka indibidwal.
Dugang sa DILG regional director nga kanunay ang pahimangno sa gobyerno nga dili gayud mapanalipdan ang nahisgutan labi na sa maong iligal nga binuhatan.
RadyoMaN Kirby Manzon
