TACLOBAN CITY – Nagpapadayon an pangampanya han mga nangangandidato ha barangay pero nagpapadayon naman liwat an kampanya han Department of Interior and Local Government (DILG) Region 8 ha mga botante nga pumili hin maupay nga kandidato nga magseserbe ha ira barangay.
Ha interview han RMN kan DILG Regional Director Marivel Sacendoncillo, gin-aaghat nira an mga nangangandidato ha barangay nga kun diri andam magserbisyo, yana pala in magwithdraw na han ira kandidatura.
“Kinahanglan may maupay nga plataporma ngan kinahanglan sigurado hira han ira trabaho nga ginsusudlan kay diri intrimis it pagigin Barangay ngan Sk Officials.”
“Kun diri hira andam, kun diri hira komitido hito nga trabaho yana pala magwithdraw na.”
Dugang han opisyal, mas importante an role han mga botante hini nga piniliay.
An mga botante an nagdedesisyon kun hin-o an makakalingkod ha pwesto ngan tinuod nga magseserbisyo ha barangay.
Waray dapat basulon kun hin-o an magigin opisyal ha barangay kay aada ha kamot han mga bontante an magigin resulta hini nga piniliay.
