Davao City – Subling nagpasidaan ang Department of Interior and Local Government (DILG-XI) sa tanang mga lokal nga opisyales sa rehiyon nga susihon ang ilang mga dalan kay basin og gihimo na kining mga parkinganan o tindahan.
Sumala ni DILG-XI Regional Director Alex Roldan, una nang gimando ni Pres. Rodrigo Duterte sa LGUs sa Metro Manila nga limpyohan ang mga dalan within 60 days nga gihimong tindahan o parkinganan tungod kay nakahatag kini og kahuot sa dagan sa trapiko.
Matud ni Roldan, aduna nay mando ang pangulo busa angayan kining g tumanon sa tanang mga hingtungdan.
Nanawagan usab si Roldan sa katawhan nga mamahimo nilang i-reklamo ngadto sa Ombudsman ang ilang mga lokal nga opisyales kung wala makahimo sa paghinlo sa mga dalan nga gihimong paradahan sa sakyanan o tindahan.
RadyoMaN Bernard Pantallon
