Davao City – Mamahimong muresign nalang sa katungdanan diha sa gobyerno inay iduso nga himuong legal ang iligal nga binuhatan sama sa miulbo karon nga mga investment schemes.
Kini ang tambag karon ni Department of Interior and Local Government (DILG) Regional Director Alex Roldan human mamonitor nga pipila ka mga trabahante sa gobyerno ang ilang ginabasol pinaagi sa social media post ang mismong gobyerno tungod sa pagpasara sa mga investment schemes nga ila posibleng gi-apilan.
“Kay samtang naa pa ka sa gobyerno, you are still bounded by your oath to defend the government, kung na-scam ka quiet ka nalang,” matud niini.
Sumala ni Roldan nga usa kini ka bayolasyon sa ethical standards sa gobyerno gani ginatun-an pa nila karon kon unsa nga kaso ang ipasaka kanila ingon man kinsa pa ang mga nahilambigit sa investment schemes.
Dugang ni Roldan nga mas maayong mupailawom sa financial literacy courses na lamang ang mga nahilambigit nga government workers sanglit sagad problema nila karon ang mga loans nga wala nagamit og tarong.
“Pagtudlo sa ila on how to handle funds and how to survive within the means mao nang akong mga empleyado, pirmi nako ginatambagan nga not to fall into the trap of death,” dugang niini.
Subay niini, gi-awhag sa DILG Regional Director ang Civil Service Commission (CSC-XI) nga muhimo og aksyon ingon man pahinumdoman ang mga government employees aron maundang na ang pag-apil sa maong mga kwestionableng financial schemes.
RadyoMaN Jason Amisola
