DILG XI: ASF sa Davao Region nagkagrabe, checkpoints angay pahugtan sa LGUs

46

Davao City – Nanulod na sa commercial farms sa Davao Region ang kaso sa African Swine Fever kun ASF.

Kini ang gikabalak-an sa gobyerno diin atol sa pakighinabi sa DXDC RMN Davao kang Department of the Interior and Local Government kun DILG XI Regional Director Alex Roldan, delikado na ang pagsulod sa ASF sa commercial farms sa Rehiyon XI.


“Ang atong African Swine (Fever) nagkagrabe, nanulod na sa mga commercial farms. Kini siya dangerous… Sa Davao del Norte, nanulod na sa commercial farms, mao to nakuyawan mi basin mugrabe ang mamahimong epekto,” segun ni Roldan.

Subay niini, nanawagan si Roldan ngadto sa Local Government Units kun LGUs nga pahugtan ang checkpoints sa ilang mga lugar aron di dayon makalusot-lusot ang mga karne o mismong binuhing baboy nga way igong dokumentos.

Nanawagan usab ang opisyal ngadto sa publiko nga sutaon usa ang paliton nga karneng baboy og aduna kini certificate gikan sa National Meat Inspection Service.

Samtang, gikumpirma sa gobyerno sa Boston, Davao Oriental nga nagpositibo sa ASF ang mga baboy sa Purok Dahlia ug Purok Santan sa Baragay Poblacion ug tungod niini, gidid-an usa ang paggawas-sulod sa mga baboy sa maong lugar.




RadyoMaN Renz Barbarona

Facebook Comments