DILG XI: Ayuda sa Brgy 23-C gitutukan

25

Davao City – Gipasalig sa Department of the Interior and Local Government (DILG) Region XI nga makigkoordinar kini sa lokal nga panggamhanan sa Davao alang sa gikinahanglang ayuda sa mga katawhan nga naapektuhan sa hard lockdown sa Barangay 23-C dinhi sa syudad aron sa pagkontrola sa pagsutoy sa kaso sa COVID-19.

Sumala ni DILG XI Regional Director Alex Roldan nga dili angay nga mabalaka tungod ang lokal nga gobyerno nakatutok diha sa pagsigurong makadawat og ayuda ang katawhan karon nga naka-lockdown ang nasangpit nga barangay.


“Mu-coordinate lang ko sa atong local government officials, sa social welfare nakabalo nga once mu-declare sila og lockdown, naa silay automatic assistance sa ipanghatag sa tanang naapektuhan,” segun ni Roldan.

Giagni ni Roldan ang katawhan nga mukooperar sa gipatumang lakang sa gobyerno nunot sa giatubang nga health crisis ug batasanon ang mga health protocols aron makalikay sa COVID-19.

RadyoMaN Aimee Guinita

Facebook Comments