Kini human nga muabot sa kapin 80,000 barangay health workers ang nangatanggal sa posisyon human sa Barangay ug Sangguniang Kabataan Elections (BSKE) 2023.
Sa interview sa DXDC RMN Davao kang Alex Roldan, Regional Director sa DILG-XI, iyang gipasabot nga subay sa balaod gitawag nga ‘conterminous’ employees ang functionaries sama sa health workers, rason nga walay mahimo ang mga trabahante sa barangay kung sila tanggalon na sa posisyon sa pagsulod sa bag-ong administrasyon.
“In the first place, ang ilahang mga appointment, nakabutang man diha coterminous sa appointing authority. So, kung wala na ‘tong nag-appoint sa ilaha, dili na pud valid ang paglingkod sa posisyon,” tataw ni Roldan.
Gipasabot sa DILG-XI official nga ang sweldo sa functionaries nakadepende lang usab sa kita sa barangay diin kung himuong regular ang empleyado, magbaton kini og salary grade nga posibleng dili makaya sa Local Government Unit (LGU).
RadyoMaN Kirby Manzon
