Davao City – Gibutyag sa Department of Interior and Local Government (DILG)-XI nga walay problema ang pagtuman sa mga Local Government Unit (LGU) sa uniform travel protocols o ang pagwagtang na sa travel authority ug medical certificate isip requirements sa mga biyahero.
Sa interbyu sa DXDC RMN Davao kang Alex Roldan, DILG-XI Regional Director, giingon niini nga walay mga report nga gipaabot sa ilang buhatan labot sa wala pagsunod sa usa ka LGU sa maong direktiba, gawas lang sa mga reklamo sa LGUs gawas sa Davao Region.
“Ang sa Davao Region wala kaayoy problema compare sa ubang lugar. In fact, diri sa Region XI, wala pa nang giingong gi-inform medyo arang-arang na man ‘ta daan ang relationship nato with the different provinces ug mga cities. Karon wala man kaayo na siyay problema, kadtong ipa-uniform (ang travel protocols),” saysay ni Roldan.
Giklaro ni Roldan nga susihon usab sa biyahero ang ubang LGU nga nagbaton og direktiba sa pag-require og negative RT-PCR (reverse transcription polymerase chain reaction) result una mibiyahe gikan sa place of origin labi na sa mga locally stranded individuals (LSIs), apan kini kinahanglang aprubahan gihapon sa Regional Inter-Agency Task Force (IATF).
RadyoMaN Kirby Manzon
