Davao City – Dili gyud malikayan nga mudaghan ang mga pasyenteng dunay COVID-19 nga moabot sa Southern Philippines Medical Center (SPMC) gikan sa nagkadaiyang lugar sa Mindanao tungod kay mao lamang kini ang pinakadong facility.
Sumala ni Department of the Interior and Local Government (DILG-XI) Regional Director Alex Roldan, dili tanan taga-rehiyon 11 ang anaa sa SPMC.
“Dili nato malikayan ang mga kabalaka tungod kay ang mga nagpositibo sa nagkalain-laing lugar dinhi man dalhon sa syudad sa Davao. Normal gyud na siya nga sitwasyon… but when you talk about contamination o infection diri sa lokalidad, dili siya as worst sa gi-describe sa uban ilabina sa social media” segun ni Roldan.
Gipasabot ni Roldan, kinahanglan nga magbutang og mga isolation facility ang matag lokalidad aron ang mga asymptomatic o walay mga sintomas sa COVID-19 dili na dal-on sa SPMC.
RadyoMaN Bernard Pantallon
