Davao City – Giawhag sa Department of Interior and Local Governent (DILG-XI) ang mga Local Government Units (LGUs) nga maghimo’g ordinansa alang sa pagpatuman sa pagsul-ob sa face shields o eye protector sa mga musakay sa pampublikong panakayan.
Sa pakighinabi sa DXDC RMN Davao kang DILG XI Regional Director Alex Roldan, gibutyag niini nga kini aron mas epektibo ug klaro ang implementasyon sa maong balaod.
“I-encourage lang nato ang mga LGUs to come up with an ordinance. Sa akoa lang mas maayo ang mga balaod sama sa ingon (mandatory face shields) ani i-adopt sa mga local governments aron mas closer ang atoang supervision,” sumala ni Roldan.
Gikanayon ni Roldan, kung adunay ordinansa dili lang pulis ang maka-implementar apan lakip na ang ubang mga law enforcement units.
RadyoMaN Aimee Guinita
