Davao City – Gibutyag sa Department of Interior and Local Government (DILG) nga usa sa ilang ginatan-aw mao ang lisod nga pagpatuman sa forced evacuation labi na kung magmagahi ang mga residente panahon sa kalamidad.
Sa interbyu sa DXDC RMN Davao kang Alex Roldan, regional director sa DILG-XI, gibutyag niini nga adunay gahum ang gobyero sa pagpatuman sa force evacuation kung gikinahanglan.
“Dunay protocol niana nga kung tan-aw nga dako gyud ang posibilidad nga danger na ang ilahang atubangon, dunay gahum ang gobyerno nga mupatuman og forced evacuation. Buot ipasabot puniton gyud ni sila kundili gaspuson para makahawa lang sa lugar tungod kay ang palisiya man gud nato is zero casualty,” saysay ni Roldan.
Dugang ni Roldan nga sa pagkakaron aduna nay koordinasyon ang matag lokal nga kagamhanan lakip na ang DILG ingon man ang Office of the Civil Defense (OCD) aron maghimo og klaro nga mapping aron masuta ang mga landslide ug flood prone areas nga mamahimong basehan sa paghimo og Comprehensive land use plan.
RadyoMaN Kirby Manzon
