Sa interbyu sa DXDC RMN Davao kang Alex Roldan, Regional Director sa Department of Interior and Local Government (DILG)-XI, gibutyag niini nga pila ka semana human ang piniliay, mahibaloan kung aduna bay pagtaas sa kaso sa COVID-19 ug dinhi na posibleng magpatuman og lockdown kung gikinahanglan.
“Kung ang trend gani (sa COVID-19 cases) is moving up then probably dunay mga granular lockdown. Ug kung dili na gyud makaya sa granular lockdown, kung mukaylap na gyud then that’s the time nga we will decide kung unsa dapat ang mahitabo,” sulti ni Roldan.
Gipasabot ni sa DILG-XI official nga importante ang pagpabakuna ug pagpa-booster batok COVID-19, diin kung basehan ang nahitabo sa laing mga nasud, sagad nga mataptan sa virus kadtong dili bakunado. Aduna may mga bakunadong indibidwal nga mataptan sa COVID-19 apan dili na mamahimong severe o kritikal ug dili na kinahanglang dal-on sa ospital.
RadyoMaN Kirby Manzon, RadyoMaN Jason Amisola
