Davao City- Nagpabilin gihapon sa Modified General Community Quarantine (MGCQ) nga klasipikasyon ang dakbayan sa Davao apan adunay area nga gideklarang ‘New Normal.’
Gibutyag ni Department of Interior and Local Government (DILG) Region XI Regional Director Alex Roldan atol sa ekslusibong interbyu sa RMN Davao nga gikonsiderang anaa sa ‘New Normal’ ang Malabog sa Paquibato District.
Gitataw ni Roldan magdepende na karon sa dakbayan sa Davao kung muapelar kini nga isaka ngadto sa mas hugot nga quarantine status o magpabilin gihapon kini sa MGCQ.
“Si Mayor Inday willing na magpabilin sa MGCQ tungod nakita nato ang epekto ang grabeng epekto sa ekonomiya. Ikaduha pahurutay na ang kwarta sa gobyerno dili pa matapos ang tuig,” sumala ni Roldan.
Gibutyag ni Roldan, gradual lockdown ang ipatuman sa mga areas nga adunay mga COVID-19 cases sa syudad sa ingon niini mas dali ang pagtunol og ayuda sa mg apektado.
(Aimee Guinita)
