DILG-XI nag-warning sa mga Brgy. Official nga musalmot sa People’s Initiative

Davao City – Nangpahimangno ang Department of Interior and Local Government (DILG) sa mga barangay official nga naga-participate sa People’s Initiative (PI) sama na lamang sa ginahimong “Dabawenyos Are Not For Sale” rally isip pagbabag sa pag-amyenda sa 1987 Constitution.

Sa interview sa DXDC RMN Davao kang Alex Roldan, Regional Director sa DILG-XI, iyahang giklaro nga walay problema ang pag-apil sa opisyales sa barangay basta dili lang gamiton ang mga resources nga iya sa gobyerno sama sa sakyanan, gamit sa opisina ug uban pang kahimanan.

Dugang sa DILG-XI official nga dili usab pwede gamiton ang oras sa trabaho sa pag-apil sa mga aktibidad sa PI sama sa pagpapirma sa mga residente kalabot sa maong lakang, diin kini usa ka kalapasan ug sila posibleng mag-atubang og kaso.

“Pwedeng silang muapil, however dili pwede nga gamiton ang resources sa government sa ilahang pag-apil kung duna may activity nga People’s Initiative. Meaning, dili pwede nga gamiton nila ang kagamitan sa gobyerno,” tataw ni Roldan.

Karong Dominggo, Enero 28, 2024, adunay ipahigayong “Unity for One Nation, One Prayer” rally subay sa panawagang “Dabawenyos Are Not For Sale” nga himuon sa San Pedro Square, Davao City, diin laumang dunay barangay/local officials nga mutambong.

RadyoMaN Kirby Manzon