DILG XI nanawagan sa mga kandidato sa limpyo nga BSKE 2023

Davao City – Giangkon sa Department of Interior and Local Government Davao Region (DILG-XI) nga maglisud ang buhatan sa pagsanta sa mga politiko nga dili manghilabot sa Barangay ug Sangguniang Kabataan Election (BSKE) karong Oktubre 30, 2023.

Sumala ni DILG XI Regional Director Alex Roldan, maglisod ang ilang buhatan sa pagbabag sa mga politiko nga dili magpaluyo o magpagadan og ilang mga kandidato gumikan non-partisan ang piniliay sa Barangay ug Sangguniang Kabataan.

Segun ni Roldan, matag kontra partido magduha-duha usab og duso og reklamo sa ilang buhatan ug COMELEC sa rason nga pag-abot sa panahon, pareho silang magduso og reklamo tungod sa ilang panghilabot sa BSKE 2023 ug labaw nang lisod usab pamatud-an ang pasangil nga pag-apil-apil sa mga politiko sa piniliay.

Gitugyan na sa official sa COMELEC, ang pagpatunhay sa kalinaw sa bugnong lugaynon ug lakip na ang pagpaniid sa mga politiko nga mangamot sa pagduso sa mga kandidato BSKE.

Nanawagan si Roldan sa tanang mga kandidato nga kung mahimo, likayan una ang sayo nga pagpangampanya ug paaboton ang opisyal nga campaign period alang sa hapsay ug malinawong election.

RadyoMaN Joel Viray