Davao City – Usa ka balido nga rason ang planong pag-undang sa ‘Window Hours’ kun oras kung kanus-a lang muadto sa palengke o mga supermarkets nga gipatuman karon sa pipila ka mga lugar sa Pilipinas aron di magpunsisok ang mga tao subay sa hulga sa COVID-19.
Sa pakighinabi sa DXDC RMN Davao kang Department of the Interior and Local Government Unit kun DILG XI Regional Director Alex Roldan, segun niini nga dunay uban nga ginakunsidera ang maong suhestyon.
“Ang palisiya gikan sa DILG base na sa ilang mga obserbasyon but we cannot deny the fact nga dunay IATF nga gipangtasahan sa lokalidad so nahibaw-an nako nga gi-consider nila ang pag tan-aw sa value sa suggestion didto sa taas nga dili sa butangan ang window hour aron dili magpunsisok ang mga tao which is very valid,” segun ni Roldan.
Apan sumala niini nga angay usa i-konsulta ang mga anaa sa ubos nga Inter Agency Task Force kun IATF sa COVID-19 nga anaa sa mga lokal nga gobyerno sa nasud aron dili magkayagaw ang pagpatuman sa mga palisiya.
Samtang sa hisgutanang pagsuot og mask, giuyonan ni Roldan ang obserbasyon nga inay makatabang sa pagkahiusa ang katawhan sa pag kontra sa COVID-19, natunga na nuon ang mga tao gumikan sa diskriminasyon sa mga walay mask.
Gipahinumduman niini ang publiko nga dili buot pasabot nga og walay mask dili na maka-avail sa serbisyo.
Matud pa nga dili issue ang mask apan ginaawhag ang tanan karon nga magbutang og mask aron makalikay sa COVID-19.
RadyoMaN Renz Barbarona
